Lanbideak lantzen ari direnez, eta normalean gurasoak gelara gonbidatzen ditugun arren, oraingoan, ikasleak izan dira Irizarrera gerturatu direnak; bertatik bertara autobusak nola egiten diren ezagutzeko aukera eskaini digu Iñakik.Gauza ugari ikusi eta ikasi ditugu bertan!!!Mila mila esker guztiagatik!
4 eta 5 urteko ikasleak nahasturik zirkulazio autonomoan gustura aritu dira jolasean, ikusi argazkiak hemen:
Ttipi-ttapa, ttipi-ttapa, badator Korrika! Martxoaren 14an Irunen hasi eta 24an Baionan amaituko da 23. Korrika. Ordiziatik martxoaren 23an goizeko 11:30 aldera pasako da. Gu dagoeneko hasita gaude herriko batzordeetara joaten eta etxe barrurako girotzea prestatzen. Jakingo duzuen modura, ekimen hau AEKri, eta bide batez, euskarari laguntzatxoa emateko aukera ederra da. Horretarako, besteak beste, kilometro salmenta egiten da eta Jakintza ikastolatik hiru kilometro erosteko asmoa dugu: bata ikastolarena, bestea langileona, eta hirugarrena ikasleena. Ikasleen kilometroa erosi ahal izateko, LH5etik hasi eta DBHO2ra arteko ikasleei bi euro ekartzeko proposatuko diete Euskaraz biziko ikasle ordezkariek. Argi utzi nahi dugu ez dela derrigorrezkoa izango [...]
Haur Hezkuntzako haurrek kaleak hartu dituzte ipuin kontaketak, jolasak eta dantzak egiteko. Primeran ibili dira!
Lilatoia gerturatzen ari da eta erreserbatu lasterketara arte dauden asteazkenak taldeko entrenamenduak egiteko. Gonbidatu bereziak izango ditugu, horien artean Izaro Rubio! Izarok lasterketa 3 aldiz irabazita dauka (2014, 2017, 2020). Gainera ziur bere aholkuak oso aberasgarriak izango direla. NON: Villa Eugenia eraikineko barruko jolastokian. EKARRI BEHARREKOAK: toalla eta ur botila. Asteazkenean elkar ikusiko dugu. Medesez, hurrengo estekan izena eman antolakuntza errazteko. EMAN IZENA Animatu! Bakoitza bere erritmoan eta giro bikainean ederki pasatuko dugu!
4 urteko ikasleek Otatza gaztandegira egin dute bisita, lanbide motak ezagutzen ari dira eta. Irteerari zuku gehiago atera nahi izan diogu eta basoan ibili dira naturak ematen duenaz gozatzen. Ondoren, Joseba artzaiaren eguneroko lana gertutik ezagutu eta partekatzeko aukera izan dute. Lanean aritu ondoren, artzai lanari agur esan eta Gaintzara hurbildu dira bazkaltzera eta bertan jolastera!!! Mila esker Joseba etxeko ateak zabaltzeagatik! Gozatu ederra hartu dute gure haurrek!
Urtarrila berotik etorri zaigun arren, otsailean badirudi berriro hotza datorrela... hotz horri aurre egiteko gure jangelako kideek menu oso eta orekatua prestatu digute! On egin! Ikusteko: Otsaileko menua Jangela eta zerbitzu guztien inguruko informazio guztia ikusteko, joan zaitez zerbitzuen inguruan dugun orrira: Zerbitzuak
3 eta 4 urtekoak barrenara egin dute irteera 5 urteko lagunen erakusketa ikustera. Herrian paseo txiki bat eman eta parkean jolasean ibili ondoren, ikastolara bueltatu dira bazkaltzera. Goiz pasa ederra egin dute!
Bi urtez behin ospatzen den korrika ere hurbiltzen hasi zaigu eta hori aitzakia moduan hartuta eta euskarari berriro indarra emateko - behar den guztietan gure apurra emateko prest- 3, 4 eta 5 urteko familiekin batera gela zein pasiloetan jarri ditugun kriseiluak euskarazko hitzez beteko ditugu. Gora euskara! Gora argitxo!! eta gora korrika!!
Gernikako Pasealekua 74, Ordizia, Gipuzkoa 20240
943160540 / 943161676
2026- Jakintza Ikastola Ordizia - Hemengo edukiak Creative Commons baimen baten mende daude
Webgune honek cookieak erabiltzen ditu ahalik eta erabiltzaile-esperientziarik onena eskaintzeko. Cookieen informazioa zure nabigatzailean gordetzen da, eta hainbat funtzio betetzen ditu: gure webgunera itzultzen zarenean zu ezagutzea eta gure taldeari web orriaren zein atal iruditzen zaizkizun interesgarrienak eta erabilgarrienak ulertzen laguntzea.
Behar-beharrezkoa den cookiea une oro gordeta egon behar da, cookieak konfiguratzeko garaian zure lehentasunak gorde ahal izateko.
Cookie hau desaktibatzen baduzu, ezingo ditugu zure lehentasunak gorde. Horrek esan nahi du webgune hau bisitatzen duzun bakoitzean cookieak berriro gaitu edo desaktibatu beharko dituzula.
