Alboan gobernuz kanpoko erakundearekin batera proiektu bat aurrera eraman genuen iaz. Aurreko ikasturtean jaso genituen mugikorrak Kongoren alde eta Alboanekoak ikastolan egindakoa grabatzen egon ziren. Hona hemen emaitza.
Konturatzerako urria ere iritsi zaigu... Hemen duzue mimo handiz prestatutako menua! On egin! Ikusteko: Urriko menua Jangela eta zerbitzu guztien inguruko informazio guztia ikusteko, joan zaitez zerbitzuen inguruan dugun orrira: Zerbitzuak
Familia agurgarriak: Iritsi da Kilometroak 23 urte luze bateko lanaren bukaera jaia: urriaren 1ean, Orereta ikastolaren eskutik, egun handia antolatu dute Orereta-Errenterian. Kilometroak Urteari Kilometroak Egunak emango dio amaiera eta jarriko dio ginda. Festaz gozatu nahi duen orok ateak zabalik izango ditu bertan. Hona hemen hainbat xehetasun: EGITARAUA: kilometroak.eus webgunea erabat eguneratu da Kilometroak Eguneko xehetasun guzti-guztiak esku-eskura izateko. Egitaraua eta planoa bertan dituzue ikusgai. JANTOKIA: Batean eta bestean izango diren ogitarteko, talo, pintxo eta bestelakoez gain, eserita ederki bazkaltzeko modua ere izango da, Fernandez De Landa plazako aterpean jarriko dugun jantokian (Koldo Mitxelena ikastetxea). Bazkarirako txartelak kilometroak.eus webgunean eros [...]
Atzo, irailak 18, astelehenarekin batera LHko gurasoei zuzendutako Innovamateko saio interesgarria izan genuen. Matematikak ikasteko eta irakasteko beste modu bat posible dela erakutsi ziguten hizlari moduan etorri ziren Unai Lecuona eta Eneko Goenagak.
Jakintza Ikastolan ordezkapenetarako lan-poltsak ireki ditugu. Haur Hezkuntzan, Lehen Hezkuntzan eta Bigarren Hezkuntzan eman daitezkeen ordezkapenetarako, gure lan-poltsak berritzen ari gara. EGA edo baliokidea den titulazioa izatea derrigorrezkoa da. Era berean, Derrigorrezko Bigarren Hezkuntzan eta Batxilergoan aritzeko, Irakaskuntzako Irakasleen Prestakuntza Unibertsitate Masterra izatea ere ezinbestekoa da. Irailaren 15a izango da bidaltzeko azken eguna. Gurekin lan egin nahi baduzu, ondorengo inprimakia bete beharko duzu: inprimakia
Ikasturte berria hasi dugu eta nagiak kentzeko garaia heldu zaigu guztioi. Jangelara doazenentzat, urtero legez, menu orekatuak eta goxoak prestatzen ahalegintzen gara ikastolan bertan dugun sukaldean eta bertako sukaldariak mimo handiz prestatuta. On egin! Ikusteko: Iraileko menua Jangela eta zerbitzu guztien inguruko informazio guztia ikusteko, joan zaitez zerbitzuen inguruan dugun orrira: Zerbitzuak
Aurten ere, udako oporrak amaierara iristen ari dira. Hilabete hauetan bizi izandako esperientziak gainera datorkigunari aurre egiteko balioko digutela espero dugu. Jakintza Ikastolako irakasleok, beti bezala, indarberrituta, ideia, proiektu, egitasmo eta ilusio berriekin gatoz. Ea gure desioak egia bihurtzeko gai garen! Jarraian, etapa bakoitzaren itzulera ordutegiak zehaztuta dituzue. Bestalde, ikasturte osoaren egutegia zein den ezagutu nahi baduzue, hemen begiratu: www.berria.jakintza.eus/urteko-egutegia/ HH: Irailaren 11n hasiko dira. Iraila osoan goizeko ordutegi izango dute. LH: Irailaren 11n hasiko dira. Iraila osoan goizeko ordutegi izango dute: 9:00-12:30. DBH-BATXI: Irailaren 8an, goizeko 11:00etan, aurkezpena. IKASTURTE-HASIERA ON!!!
Joan den larunbatean, ekainaren 24an, Batxilergo 2.mailako ikasleen Agur Ekitaldia ospatu genuen familiekin batera. Musika, dantza eta bertso saioez gozatzeko aukera izan genuen. Emozioak ageri-agerian izan genituen: barre algarak nahiz begi distiratsuak ikus eta entzun zitezkeen. Muxu handi bana jaso eta zorte on!!! Zuen ikastolako lehen urteetan ezin ailegatuko zirudien etapa baten amaierara iritsi zarete. Etapa baten amaiera beste baten hasiera da eta gaur, oroitzapen eta eskertza eguna izateaz gain, etorkizunari begiratzeko une ere bada. Datozen erronka berriei aurre egiteko, atzera begiratzea komenigarria da, nondik gatozen ez ahaztea, ez gaitezen bide antzuetatik galdu. Oroitzapenen eguna…Inoiz ahaztuko ez dituzuen egoerak eta [...]
Irakurketaren interesa sustatzeko erronka sortzaileak Irakurketak adierazpen artistiko desberdinei aukera berriak ireki behar dizkie. Horregatik, ikasgeletako ezkutuko talentuak esnatzen saiatu behar dugu irakurketa desberdinekin baita ikasleen artean sormen kultura garatzeko aprobetxatu ere bai. Izan ere, irakurketa esperientzia pertsonal eta gogoangarri bihurtu behar dugu eta norberak bere trebetasunak erakusteko baliagarria izan behar du, hau da, sormena garatzeko ezinbesteko tresna bilakatu. Ez da bidezkoa derrigorrezko irakurketez hitz egitea, inoiz elkarrekin agertu behar ez luketen bi hitz baitira. Irakurketa diziplinen arteko lotura-puntua da. Liburu batean literatura ezezik natura ere badago, kimika, fisika, soziologia, historia, geografia, psikologia, artea… [...]
Gernikako Pasealekua 74, Ordizia, Gipuzkoa 20240
943160540 / 943161676
2026- Jakintza Ikastola Ordizia - Hemengo edukiak Creative Commons baimen baten mende daude
Webgune honek cookieak erabiltzen ditu ahalik eta erabiltzaile-esperientziarik onena eskaintzeko. Cookieen informazioa zure nabigatzailean gordetzen da, eta hainbat funtzio betetzen ditu: gure webgunera itzultzen zarenean zu ezagutzea eta gure taldeari web orriaren zein atal iruditzen zaizkizun interesgarrienak eta erabilgarrienak ulertzen laguntzea.
Behar-beharrezkoa den cookiea une oro gordeta egon behar da, cookieak konfiguratzeko garaian zure lehentasunak gorde ahal izateko.
Cookie hau desaktibatzen baduzu, ezingo ditugu zure lehentasunak gorde. Horrek esan nahi du webgune hau bisitatzen duzun bakoitzean cookieak berriro gaitu edo desaktibatu beharko dituzula.
