kudeatzailea

Euskal Hezkuntza Sistema propiorako bidean, eredu berri, ezberdin eta eraldatzaile bat aldarrikatu dugu ikastolok azaroaren 22an Donostian izan genuen agerraldian. Ikastolako kide garen heinean, Ikastolok Hezkuntza Lege berri honen aurrean izan dugun posizionamendua gure komunitatera gerturatzea ezinbestekoa dela iruditu zaigu. Modu honetan, Ikastolon Endekalogoa oinarri hartuta, adostutako Euskal Hezkuntzaren eraldaketarako akordioan eta Hezkuntza Lege berriaren zirriborroan hainbat zehaztapen falta eta desadostasun atzeman ditugu. Guzti hau, gure komunitatean eztabaida gai izatea garrantzitsua ikusten da; hala, gure komunitatearen iritzia jaso, gogoeta egiteko baliabideak eskaini eta ikastolako komunitatea ahaldundu nahiko genuke, beti ere, ikastolako kide bezala dugun konpromisoari eutsiz. Legea Euskal Hezkuntza Sistema [...]

Indarkeria matxista desagerrarazteko beharra aldarrikatu dute gaur, azaroak 25, DBH eta Batxilergoko gure ikasleek. Plaza nagusiaren jiran giza-katea egin dugu eta herriko talde eragile desberdinekin batera, ospatu den ekitaldian parte hartu dugu. Batxilergo 2.mailako ikasle talde batek egindako “Konplize ditut eta” koreografiaz gozatzeko aukera paregabea izan dugu.  Eta zu, zenbateraino zara konplize? Gaur, azaroak 25, gure ikastolan indarkeriari atea itxi diogu, ez diogu sartzen utzi eta atetik zintzilik jarri dizkiogu hainbat mezu, desio eta aldarrikapen. Horrez gain, gure eskuekin harizko kometak sortu ditugu, askatasunari eskua luzatuz. 

Ikastolen Elkartean batzen garen 113 ikastoletako ordezkariak elkartu gara gaur, Donostian, Araba, Bizkai eta Gipuzkoarako garatzen ari den Hezkuntza Lege berriaren eta Euskal Hezkuntza Zerbitzu Publikoaren inguruan egin ditugun hausnarketak plazaratzeko. Eskualdez eskualde elkartu gara ikastolak gaia jorratzeko, beronek etorkizuneko euskal hezkuntza sisteman izango dituen erronkei buruz hitz egiteko, bai eta ikastolen mugimendutik begira eraiki nahi dugun Euskal Herrirako Hezkuntza Sistemari begira urrats garrantzitsu bat izan daitekeen une honek duen garrantzi handia azpimarratzeko ere. Ikastola guztien izenean hitza hartu dute gure mugimenduko ordezkari nagusiek: Koldo Tellituk, Nekane Artolak, Elena Zabaletak eta Peio Jorajuriak. Segidan duzue gaurko agerraldian egin dugun adierazpena. [...]

Gaurkoan Oreretako ikastolak martxan jarri duen ekimen baten berri eman nahi dizuegu. Hona hemen zabaldu duten mezua: Oreretatik Mari Domingiren Errepublika Magikoa martxan jartzera goaz. Olentzerok jada baduen gisan, Mari Domingiri ere bere plaza eskaintzea da helburua; Eguberrien izaera paganoan ere azpimarra jarriz. Azaroaren 19tik abenduaren 18ra, asteburuetan, Añabitarte Baserria Mari Domingiren etxe bihurtuko da eta haren inguruko zelaiguneak magiaz, iratxoz eta sendabelarrez beteko dira. Hala nahi duen familia orok bisitan etortzeko aukera izango du. www.maridomingi.eus webgunean eskatu behar da hitzordua eta erosi behar dira sarrerak. Ekimenaren xehetasun gehiago eta nolako traza duen jakiteko, hemen: www.maridomingi.eus

Familia agurgarriak: Mezu honen bitartez, Ikastolak Herriari ekimenaren 3. ekitaldira gonbidatu nahi zaituztegu. Ekitaldi honetarako prestatu dugun ikuskizuna Jaso ikastolaren SUTAN musikala da, eta beraiekin batera, Iruñeko Gazte Orkestraren partaidetza ere izango dugu. Aurreko bi urteetan, ikastolen jaiak bertan behera geratu edota formatu murriztuan eskaini behar izan genituen. Horrek gure jaiak euskal kulturaren agertoki handi izatea eragotzi zigun, baina urtea hutsik utzi beharrean, ikastolen jaiek, elkarlanean, euskal artisten ikuskizunen lagin bat erakutsiko zuen ekimena antolatu zuten: Ikastolak Herriari. Aurten gure jaiak berreskuratu ditugun arren, Ikastolak Herriari ekimenari eustea erabaki dute ikastolen jaiek. Beraz, heldu den azaroaren 25ean Bilboko Campos Eliseos [...]